Banja e Dobërqanit është një qendër termale shëndetësore dhe rehabilituese, e vendosur në fshatin piktoresk Dobërçan, pranë qytetit të Gjilanit, në Kosovën lindore. E njohur për ujërat e saj natyrale me përmbajtje të lartë squfuri, kjo banjë ofron burime termominerale me temperaturë konstante prej 33-34°C – ideale për trajtime shëndetësore dhe relaksim.
Për vite me radhë, Banja e Dobërqanit ka qenë një destinacion i preferuar për trajtimin natyral të sëmundjeve reumatike, si artriti, spondiliti dhe problemet tjera të sistemit muskulo-skeletor. Po ashtu, uji termal ndihmon në përmirësimin e qarkullimit të gjakut, zbutjen e dhimbjeve kronike dhe rikuperimin pas traumave apo ndërhyrjeve kirurgjikale.
Kompleksi ofron:
-
Pishina të brendshme dhe të jashtme me ujë termal;
-
Vaska individuale relaksuese;
-
Terapi fizikale si masazhe, elektroterapi, fangoterapi dhe terapi me rrymë;
-
Shërbime profesionale të rehabilitimit dhe fizioterapisë;
-
Akomodim komod me dhoma moderne;
-
Restorant tradicional dhe evropian, me ushqim të përgatitur me produkte lokale të freskëta;
-
Ambiente për ngjarje familjare apo profesionale, përfshirë salla të vogla konferencash.
Me një përkushtim të veçantë ndaj kujdesit shëndetësor dhe mirëqenies së mysafirëve, Banja e Dobërqanit është vendi ideal për ata që kërkojnë shërim natyral, qetësi shpirtërore dhe relaksim në një ambient të pastër dhe mikpritës.
